Thursday, January 20, 2011

Tale of the Old Town

       Ayon sa kwento, noong unang panahon ay may konti lang na mga naninirahan sa aming barangay. Napakaraming puno ang nasabing lugar at animoy parang gubat. Sa pagdaan ng mga taon, pinutol ng mga naninirahan ang ilang mga puno at nilinis ang lugar upang pagtaniman ng palay. 
       Sinasabing sa taong 1818, nabulabog ang mga naninirahan ng sinakop ang kanilang lugar ng mga taong tinatawag na "Terong". Ang mga "Terong" ay parang mga normal din na tao sa kabuuan maliban sa kanilang mga ngipin na kulay itim!
        Dumating ang mga taong ito sa lugar sa pamamagitan ng kanilang mga bangka. Lumalakbay ang mga "Terong" sa iba't ibang lugar upang manghuli ng mga tao na ibinebenta naman nila sa mga "Camokon". Ang mga "Camokon" ay sinasabing mukhang mga unggoy. Mayroon silang mga buntot at kumakain ng tao!
       Kaya ng malaman ng mga naninirahan ang tungkol sa balita ay lumipat sila ng lugar at iniwan nila ang kanilang mga kabahayan at ibang mahahalagang mga ari-arian.
       Simula noon, nanirahan na ang mga tao sa kasalukuyang sentro ng siyudad. At sa paglipas ng panahon, nawala rin ang mga "Terong" sa dating kinatitirhan ng mga tao kaya nagsibalikan din sila at doon ulit nanirahan.
       Iyan ang kwento ng Old Town in the City...

            
      

3 comments:

  1. john 316 bro bat nawala ang greenfields natin? nasan na?

    ReplyDelete
  2. ha? andito naman ah. refresh mo lang bro mentor.

    ReplyDelete
  3. Hi, Nice post! Would you please consider adding a link to my website on your page. Please email me back.

    Thanks!

    Harry
    harry.roger10@gmail.com

    ReplyDelete